武汉汉阳开展2018年“世界水日”“中国水周”志愿宣传活动

下月生日後踏入79歲的羅家英，早前自爆第四度患癌，其健康情況備受外界關注。家英哥近日接受好友查小欣訪問，以豁達樂觀的態度去講述四次確診癌症心路歷程，透露目前再患前列腺癌，正打女性荷爾蒙針去抑制癌細胞，因而性慾全失「慣咗，已經4、5年」。

家英哥憶述，2004年因胃痛到私家醫院求診，其後醫生為他驗血時，竟因其姓氏而檢驗癌症指數，「佢（醫生）話羅文姓羅，羅家英又姓羅，羅文係因為肝cancer瓜嘅」，醫生因此主動替家英哥驗肝，沒料到真的發現他確診肝癌。他指當時肝臟內「一粒荔枝咁大粒嘅嘢」，切除後便沒大礙。

詎料到了2014年，肝臟再發現有腫瘤，「喺14年就係呢邊又嚟咗荔枝，又喺度，唔係復發，係另外一個地方再生多粒」，而該次也是割除腫瘤後並無大礙。

到了2019年，家英哥的前列腺組織又發現有癌細胞，「切除晒前列腺喇，係咁驗過報告都係冇嘢嘅」。但原來癌細胞早已潛伏，其後慢慢成形才知道，而且因為有很多粒，「係切唔到啦，你都唔知點醫，醫生話得一個方法，就係打女性荷爾蒙」。

羅家英引述醫生指打女性荷爾蒙針可以抑制其前列腺癌病情，令癌細胞成長得很慢。至於這種療法的時限，家英哥直言「醫生話大概係8年度啦，咁你等佢一路撳住佢，但唔係消滅佢，唔係醫治佢，等佢平和，但八年之後就壓唔住?喇。咁壓唔住要點呀？就要電療同化療」。

早前家英哥曾表明不接受電療或化療，令人以為他「放棄治療」，原來他有自己的想法，「今年79歲，8年之後我都80幾啦，電療化療之後，你畀多3年我，咁我嗰時都人唔人、鬼唔鬼啦，呢個人生有咩用啫？」。為免延長生命後只會臥床等時間過，所以家英哥才決定不會做電療或化療，「除非一樣嘢，就係發明咗新嘅科技」，如果治療方向是有突破，家英哥亦不抗拒，但目前的計劃是在未來的8、9年內盡情吃喝玩樂！

至於注射女性荷爾蒙後的變化，家英哥表示感到身體變得虛弱，很容易累，而前列腺被切除之後，「個人定咗、淡咗」。查小欣直接問到「淡咗」是否指性慾？家英哥亦毫不忌諱地直言：「對於『色字』，冇晒，仲打咗女性荷爾蒙添，更加冇，慣咗，已經4、5年」。

當年羅文為治癌而傾盡家財，沒有買保險的羅家英為治病花費許多積蓄，「第二次（患癌）我一啲都唔驚喎。醫生，咁點啊？照割囉。割，最緊要一樣嘢係：你有冇錢？」雖然家英哥不信保險，但幸好有積蓄，「我都知道我冇保險，我就一定要有啲積蓄，咁咪使咗佢囉。第二次我又有積蓄，又使咗佢咯」。

被問及是否花光積蓄，家英哥笑說：「都未使晒嘅，仲有啲嘅。我冇叫到老婆（汪明荃）幫我?，我唔使佢幫呀，千其唔好同佢講呢樣嘢，佢亦都冇講過話幫，佢知道我有。」但家英哥隨即鬼馬地表示「如果佢願意幫我，我都好樂意嘅」。