常州通用自来水有限公司BR首次组织“社区代表参观二次供水泵房”活动新闻中心中国常州网 常州第一门户网 常州龙网 常州日报 常州晚报

33歲嘅演員柯煒林前日喺社交平台公開自己患上肺腺癌四期嘅消息後，唔少網民對為Will打氣祝福。柯煒林喺帖文中流露樂觀正面態度，寫道「如常生活，生活如常」，而Will亦坐言起行，一如往常咁喺夜晚開直播同網民傾偈。結果柯煒林呢場直播反應相當熱烈，有三千幾人收睇，Will都忍唔住爆粗笑罵「三千幾人睇我講抗癌！X你XX，我慣咗之前得幾十人睇。」

柯煒林喺直播中依然能量滿滿，強調會努力打贏癌症，但亦已經有心理準備。「我要接受有可能輸，因為接受可能輸嘅時候，就無嘢再驚，剩低嘅就係好好向前行」。直播中柯煒林不時有咳嗽，佢話已經冇之前咳得咁犀利，叫大家唔使擔心，而且而家行得走得，只係胸肺問題，希望呢段蜜月期唔好咁快過。柯煒林話過去15年醫治癌症嘅方法好多，而且醫生話佢呢個case係可以食藥控制，唔需要做標靶藥以外嘅治療，所以仲可以如常生活，令佢十分感恩。

Will 喺直播度話仍然以「on x仔」態度面對，而佢亦都真係笑住面對，例如叫大家唔好稱佢做「抗癌小鬥士」或者「抗癌勇士」，直言「要攤喺度，做抗癌小廢青」，仲公開徵集新稱呼，同網民笑住傾。開直播時柯煒林表示要早睡早起，所以十二點要完結，去到十二點大家都真係提醒Will夠鐘瞓覺，Will於是校暗燈光播歌完成直播。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！